Алуа Балқыбекова Азия чемпионатында өнер көрсетпеу себептері туралы айтты
Бокстан екі дүркін Азия чемпионы Алуа Балқыбекова Sport+ телеарнасына берген сұхбатында Тайландта қандай себептермен Азия чемпионатына қатыса алмағаны туралы айтты.
— Тайландқа мықты дайындалып барған едім. Жаңа салмақ дәрежесіне көтерілгендіктен, тыңғылықты дайындалу қажет болды. Бірақ ол жақта белгілі бір себептермен өнер көрсете алмадым, бұл мен үшін өте өкінішті болды. Сол үшін қазақ елімнен кешірім сұраймын, өйткені үміт артып, өнерімізді халық күтіп отырды. Қазір жекпе-жектер өткізу қажет болып, Қазақстан чемпионатына қатысып отырмын, - деді Балқыбекова.
