Алматыдағы кезекті классикалық ат шабысты қайдан көруге болады?

29 маусым күні Qazaq Jockey Club Ұлттық спорт түрлері Қауымдастығының қолдауымен Алматы ипподромында классикалық ат шабыс өткізеді, жарыстың жүлде қоры - 11 900 000 теңге.

Жарыс аясында әртүрлі қашықтыққа 10 сайыс өткізіледі. Барлығы алаңға бұл күні 81 ат шығады.

Көрермендер үшін ең қызығы үлкен жастағы аттар арасындағы 2 400 метрге Элита жүлдесі, «Алтын Миль», Арагон және Отан жүлделері болмақ.

Жарыстың басталуы: 29 маусым 2024 жыл 15:00.

Ат шабысты тікелей эфирде Sport Plus Qazaqstan телеарнасы көрсетеді, сонымен қатар sportplustv.kz сайты мен YouTube арнасынан тамашалай аласыздар.