Әлімхан Сыздыков – күрестен Азия чемпионатының финалисі (видео)
Иорданияның Амман қаласында Азия чемпионаты аясында 130 келі дейінгі салмақ дәрежесінде грек-рим күресінен жартылай финалдық кездесу өтті, деп хабарлайды Sport+.
Қазақстандық балуан Әлімхан Сыздыков өзбекстандық Темурбек Насимовты 4:1 есебімен жеңіп, жарыстың алтын медальдары үшін күресуге мүмкіндік алды.
Финалдық белдесуде Сыздыковтың қарсыласы ирандық Фардин Хедаяти болмақ. Жүлделі кездесулер Астана уақыты бойынша 20:00-де басталады.
Финалдық және жұбаныш белдесулері Sport+ Qazaqstan телеарнасында және sportplustv.kz сайтында тікелей эфирде көрсетіледі.
