Алексей Чуркин - әлем чемпионатының күміс жүлдегері

Қазақстандық ауыр атлет Алексей Чуркин Бахрейннің Манама қаласында өтіп жатқан әлем чемпионатында күміс медаль жеңіп алды, деп хабарлайды Sport+ Olympic.kz сайтына сілтеме жасай отырып.

Спортшы 81 келіге дейінгі салмақ дәрежесінде ел намысын қорғады.

Қоссайыстың қорытындысы бойынша Чуркин 368 (164+204) келіні көтеріп, екінші орынға ие болды.

Жеңіс Солтүстік Кореялық Ри Чон Чонға бұйырды, оның нәтижесі – 371 (166+205) келі.

Қола медальды Мухаммадқодир Тоштемиров 355 келі: 165+190) жеңіп алды.

Сондай-ақ, осы салмақ дәрежесінде қазақстандық Александр Уваров та өнер көрсетіп, 351 (160+191) келі нәтижесімен бесінші орынға тұрақтады.