Алан Құрманғалиев үстел теннисінен халықаралық турнирде қола медаль жеңіп алды
Мец қаласында (Франция) WTT Youth Contender жастар арасындағы үстел теннисінен халықаралық турнир өтті, деп хабарлайды Sport Plus Qazaqstan Olympic.kz сайтына сілтеме жасап.
19 жасқа дейінгі санатта қазақстандық Алан Құрманғалиев үшінші орынды иеленді. Жарыстар аясында ол Иван Канмен (Нидерланды), Ронд Брентпен (Нидерланды), Назар Солодкиймен (Украина), Вим Вердоншотпен (Германия) кездесті.
Жартылай финалда Алан жапон Юхи Сакаидан 1:3 есебімен ұтылып, жарысты қола медальмен аяқтады.
