Алан Құрманғалиев Мажарстанда өткен турнирде екі мәрте жүлдегер атанды

Қазақстандық Алан Құрманғалиев Венгрияның Сомбатхей қаласында өткен WTT Youth Contender турнирінде күміс медаль жеңіп алды, деп хабарлайды Sport +.

Отандасымыз 19 жасқа дейінгі спортшылар арасындағы жарыста екінші орынды иеленді.

Жарыс барысында Алан болгариялық Стефан Димитровты (3:0), Люксембургтан барған Маэль Ван Дессельді (3:0), тайбэйлік Тай По-Чунды (3:2), румыниялық Драгоша Бужорды (3:0) жеңді. Сондай-ақ ол словакиялық Михаил Ловгудан (3:2), швед спортшысы Исаак Альфредссоннан (3:0) және корейлік Ли Чон Моктан (3:0) басым түсті. Ал, финалда венгриялық Балаж Лэйге 0:3 есебімен есе жіберді. 

Айта кетейік, Алан осы турнирде 17 жасқа дейінгі спортшылар арасында қола медаль алған еді.