2024 жылғы Олимпиада жүлдегерлері Қазақстаннан қанша сыйақы алатыны белгілі болды

Туризм және спорт министрлігі Парижде өтетін 2024 жылғы Олимпиаданың жүлдегерлеріне төленетін ақшалай сыйақы мөлшерін жариялады, деп хабарлайды Sport Plus Qazaqstan.

Алтын медаль иегерлеріне 250 мың доллар, күміс жүлдегерлерге – 150 мың доллар, қола жүлдегерлерге – 75 мың доллар беріледі. Сонымен қатар, төртінші, бесінші және алтыншы орындар үшін сәйкесінше 30, 10 және 5 мың доллар көлемінде премиялық ақылар қарастырылған.

Сондай-ақ, алдыңғы күні белгілі болғандай, боксшылар өздерінің федерацияларынан қосымша сыйақы алады. Жиынтықта, төртжылдықтың негізгі ойындарында чемпион боксшы 470 мың доллар ала алады. Теңгемен бұл шамамен 210 миллионды құрайды.