Жозе Моуринью Түркия чемпионатында есе қайтарды
«Фенербахче» клубының португалдық бапкері Жозе Моуринью «Бешікташпен» өткен дербидегі жеңілістен кейін жанкүйерлер мен түрік баспасөзінің қатаң сынына ұшырады, деп хабарлайды Sport+.
Алайда келесі турдағы жаңа дербиде команда жеңіске жетті. Бұл жолы «Башакшехир» Моуриньюдің ашуына тап болды. Матч 4:1 есебімен аяқталды.
«Фенербахче» сапынан Молдюр, Шкриньяр, Эн-Несири мен Айдын гол соқты. Ал алаң иелерінен жалғыз голдың авторы — Беяз.
