«Жеңіс» грузиндік футболшымен келісімшартты ұзартты

Елордадағы «Жеңіс» клубы 31 жастағы грузиялық қорғаушы Зураб Тевзадземен келісімшартты ұзартқанын хабарлады, деп жазады Sport+ клубтың баспасөз қызметіне сілтеме жасап.

Футболшымен жасалған жаңа келісім 2026 жылдың соңына дейін есептелген.

Грузиялық ойыншы «Жеңіс» сапына 2024 жылдың ақпан айында «Дила» клубынан ауысып келген. Өткен ҚПЛ маусымында Тевзадзе елордалық команда құрамында 26 матч өткізіп, 2 гол соқты.