Жалғас Жұмағұлов Маклинмен жекпе-жек туралы: Қарсыластың аты шықпаған, бірақ өте мықты жігіт

Қазақстандық файтер Жалғас Жұмағұлов NAIZA 57 турнирінің аясында өтетінін жекпе-жектегі кезекті қарсылас Кливленд Маклин туралы Sport Plus Qazaqstan сайтына пікір білдірді:

- Қарсылас белгілі болды, жұдырықтасатын күн де белгілі. Қарсыластың аты шықпаған, бірақ өте мықты жігіт. Ол - тәжірибелі, соққысы мығым, денсаулығы зор қарсылас. Бірақ мен де бірінші күн жұдырықтасып жүрген жоқпын. Дайындыққа уақыт аз, дегенменде мен жеңіске жетуге барлық әрекеттер жасаймын, - деді 35-жасар жауынгер.

Жұмағұлов пен Маклиннің жекпе-жегі 24 ақпанда Алматыда өтетін NAIZA 57 турнирінің басты жұдырықтасуы болады.