Зайнутдинов пен «Бешікташ» жеңіссіз сериясын жалғастырды (видео)

Түркия Суперлигасының 18-туры аясында өткен матчта «Бешікташ» «Ризеспормен» тең ойнады, деп хабарлайды Sport+.

Матчтың есебі – 1:1.

38-минутта Желсон Фернандеш автогол салып, Ризе клубына есеп ашуға мүмкіндік берді. Ал бірінші таймның қосымша уақытында Эрнест Мучи есепті теңестірді.

Қазақстан құрамасының жартылай қорғаушысы Бақтиер Зайнутдинов негізгі құрамда алаңға шығып, матчты толық 90 минут бойы ойнады.

«Бешікташтың» Суперлигадағы жеңіссіз сериясы енді 3 матчқа жетті.