Wrestling Stars кеші: Чамисоның жарақаты, Құрбаев пен Қартбай жеңісі

Астанада күрес түрлерінен Wrestling Stars кеші өтті, деп хабарлайды Sport+

Грек-рим күресінен 55 келіде Исхар Құрбаев жеңімпаз атанды. Ол Қорлан Жақаншаны жеңген еді. 57 келіде қырғыз балуанынан басым түскен Мейрамбек Қартбай дәл осы қарсыласымен бұрын кездескенін және белдесу оңайға соқпағанын жеткізді. 
Еркін күрестен 65 келіде қазақстандық Начын Куулар да Қырғызстан өкілінен айласын асырды. Ал, ең қатысушысы көп болған 74 келіде Агханазар Новрузов (Әзірбайжан) жеңімпаз атанды. Ол ақтық сында Өзбекстан спортшысынан озды. Осы салмақ дәрежесіндегі ең атақты балуан Франк Чамисо бір белдесу өткізіп, жарақат себебімен әрі қарай күреспеді. 
Ардагерлер арасында 79 келіде Әлкей Асылбек үздік шықса, 92 келіде ресейлік Алан Багаев Азамат Дәулетбековтен басым түсіп, жеңімпаз атанды.
Естеріңізге сала кетсек, аталмыш турнир үшінші рет өткізіліп отыр. Жеңімпаздарға ақшалай сыйақы қарастырылған.