U17 және U19 қыздар командаларының қарсыластары анықталды

Ньонда (Швейцария) 17 және 19 жасқа дейінгі қыздар арасындағы 2024/25 маусымы Еуропа чемпионаты іріктеу кезеңі алғашқы раундының жеребе тарту рәсімі өтті, деп хабарлайды Sport Plus Qazaqstan

Қазақстан футбол федерациясының мәліметіне сәйкес, U17 командасы «В» лигасының 6 тобына түсті. Бұл топтағы басқа командалар: Швеция және Эстония. Матчтардың уақыты мен орны кейін белгілі болады. 

U19 командасына келер болсақ, бұл ұжым «В» лигасының 2 тобында Румыния, Латвия және Лихтенштейнмен ойнайды. Мини-турнирлерді өткізуші елдер кейін анықталады. Матчтар осы жылы 8-16 шілде немесе 21-29 қазан немесе 25 қараша мен 3 желтоқсан аралығында өткізіледі. 

Командалар алты топта А Лигасына өту мүмкіндігін сарапқа салады. Әр топтың жеңімпазы және екінші орын алғандардың ішіндегі үздік команда жоғары дивизионға ауысады.