Сульшердің Түркиядағы дебюті. Бешикташ - Самсунспор матчының тікелей эфирі
«Бешикташ» жаңа бас бапкерді қатарына қосты — ол «Манчестер Юнайтед» аңызы Оле Гуннар Сульшер.
Сульшер «Мольде», «Кардифф», «Манчестер Юнайтед» командаларында қызмет етті, енді стамбулдық грандтың тізгінін ұстады. Бапкер ретінде Норвегия чемпионатында екі рет жеңіске жетті, ел кубогы, МЮ-ді Еуропа Лигасының финалына шығарды, екі рет Норвегияда жылдың үздік бапкері және ағылшын Премьер-лигасында айдың үздік бапкері атанды.
Енді ол «Бешикташтың» жанкүйерлерінің көңілінен шығуы керек. Өкінішке орай, жаңа бас бапкермен алғашқы матчты Қазақстан құрамасының футболшысы Бактиер Зайнутдинов жарақатына байланысты жіберіп алады.
Матчтың өзіне келетін болсақ, чемпионаттың 6 және 3 командалары кездеседі. Бір қызығы турнир кестесінде үшінші орында «Бешикташ» емес «Самсунспор» тұр. Томас Рейстің шәкірттері маусымды өте жақсы өткізеді, ал «Бешикташтың» алдында үш матчтан тұратын жеңіліссіз сериясын келе жатыр.
«Бүркіттер» де өз футболын енлі тауып, 4 матч жеңіліссіз өткізді. Медальдар үшін күрес жолынан шығып қалған жоқ. Ыстамбулдықтарды үшінші орыннан тек 6 ұпай бөліп тұр.
Командалар бірінші турда бір-бірімен кездесті. Аталмыш кездесуде Рафа Сильва мен Габриэль Паулистаның голдарының арқасында «Бешикташ» сырт алаңда 2:0 есебімен жеңіске жетті.
Қос команда арасындағы жаңа кездесу 18 қаңтарда сағат 21.00-де өтеді. Тікелей эфир Sport+ Qazaqstan телеарнасында, сондай-ақ Sportplustv.kz сайтында қолжетімді.
