Спорттық гимнастикадан Азия чемпионатына алты атлетіміз қатысады
Өзбекстан астанасы Ташкент қаласында өтетін спорттық гимнастикадан лицензиялық Азия чемпионатына Қазақстаннан алты атлет қатысады, деп хабарлайды Sport Plus Qazaqstan.
Милад Карими, Нариман Құрбанов, Ілияс Азизов, Фарух Нәбиев, Дмитрий Патанин және Диас Тойшыбек қатысады.
Естеріңізге сала кетсек, Александр Ким баптайтын спортшылар арасында Карими өткен жылы көпсайыстан Бельгияның Антверпен қаласында өткен əлем чемпионатында Париж Олимпиадасының жолдамасына иелік етсе, Құрбанов ат снарядынан осы жылы Қатар астанасы Дохада өткен спорттық гимнастикадан Әлем кубогының шешуші кезеңінде Олимпиада жолдамасын қанжығасына байлады. Енді, қалған спортшылар құрлыққа бөлінген жалғыз жолдамаға таласады.
Сондай-ақ, Өзбекстан федерациясы жарысқа төрелік ету үшін алты еуропалық төрешіні алдырып отыр. Қазақстан сапынан екі төреші шақырту алды. Тимур Әміртаев қол тіреп секіру және еркін жаттығуда, Александр Ким қоссырықта төрелік етеді.
