Sport+ QAZAQSTAN телеарнасы 1 жасқа толды
Sport+ QAZAQSTAN телеарнасы хабар тарату басталған күннен бастап бір жылға толды.
Өткен уақыт ішінде біздің телеарна қазақстандық телевизияның спорттық салада көшбасшыларының біріне айналды. Sport+ QAZAQSTAN ең танымал қазақстандық кабельдік желілер пакетіне енді, сонымен қатар еліміздің үш қаласында — Алматы, Астана және Атырау — аналогтық форматта хабар таратады.
Телеарна жыл ішінде спорттың 20 түрі бойынша 1200-ден астам телехабарлар мен эфирлер ұйымдастырды, 100-ден астам студиялық бағдарламалар түсірілді. Арна студиясының қонақтары жүзден астам танымал қазақстандық және шетелдік спортшылар болды, олардың арасында Олимпиада ойындарының, Әлем және Азия чемпионаттарының, халықаралық турнирлердің жеңімпаздары мен жүлдегерлері, спорт функционерлері бар.
Телеарнаға қонаққа Василий Жиров, Назым Қызайбай, Демеу Жадыраев, Гусман Қырғызбаев, Асу Алмабаев, Сергей Цырульников, Дамир Исмагулов, Ризабек Айтмұхан, Костя Цзю, Федор Емьяненко және басқа да спорт жұлдыздары сұхбат берді.
Sport+ QAZAQSTAN телеарнасы Naiza және Alash Pride танымал қазақстандық промоушендерінің ММА турнирлерін, Нидерланд пен Түркия футбол чемпионаттарын, үздік Еуропа чемпионаттарының кубоктық матчтарын, еурокубоктардың іріктеу раундтарын және Азия Чемпиондар лигасы ойындарының тікелей эфирлерін көрсетуде.
2024 жылдың қыркүйегінде Sport+ QAZAQSTAN Астанадағы V Дүниежүзілік көшпенділер ойындарының хост-хабар таратушыларының бірі болды.
Sport+ QAZAQSTAN телеарнасы қазақстандық спорт әуесқойларын жаңа жобалармен, эксклюзивті сұхбаттармен және телебағдарламалармен қуантуды жалғастырады.
