Sport + Qazaqstan баскетболдан А сериясының матчтарын көрсетеді

Sport + Qazaqstan телеарнасы баскетболдан А сериясының матчтарын тікелей эфирде көрсету құқығына ие болды. 

Бұл баскетбол сериясы әлемдегі ең тарихы терең болып саналады, алғашқы ойындар 1920 жылы өткізілген.

Соңғы үш жыл қатарынан «Олимпия Милан» жеңімпаз атанып, әрі қарай Еуролигада өнер көрсетіп жүр.

Sport + Qazaqstan телеарнасының эфиріндегі алғашқы көрсетілім «Тренто» және «Паллакенстро Триесте» клубтарының текетіресі болмақ.

Сонымен қатар, телеарна баскетболдан Бундеслига матчтарын да көрсетіп жүр.