Шотландияда өткен спидкубинг чемпионатында қазақстандық екінші болды

16 жастағы қазақстандық оқушы Әлішер Құрмаш Эдинбургте өткен халықаралық жарыста екінші орын алды, деп хабарлайды Sport Plus Qazaqstan.

Кубик рубик құраудан Edinburgh Winter 2024 чемпионатын британдық кубиктер қауымдастығы ұйымдастырды. Әлемнің 23 елінен келген 184 қатысушы әртүрлі бағыт бойынша ең жылдам деген атаққа таласты.

Астаналық Әлішер Құрмаш 3х3х3 Рубик кубигін жылдам құрау сайысында күміс алды. Бірінші және үшінші орындарды Ұлыбритания өкілдері Николас Арчер мен Джейкоб Чемберс иеленді.

Бұған дейін Әлішер өткен жылдың қараша айында Шотландияның Абердин қаласында өткен чемпионатта бірінші орын алған болатын.