Синнер мен Алькарас Федерер мен Надальдің жетістігін қайталай ала ма? Уимблдон финалын — Синнер мен Алькарас арасындағы кездесу тікелей эфирде

Италиялық теннисші Янник Синнер мен испаниялық Карлос Алькарас қатарынан екінші рет «Үлкен дулыға» турнирінің финалында жолығады.

Ролан Гаррос жарысында жеңіс испандық теннисшіге бұйырды. Айта кетейік, 2008 жылдан бері алғаш рет бір маусымда Ролан Гаррос пен Уимблдон финалдарында бірдей теннисшілер кездескелі отыр. Ол кезде, 17 жыл бұрын, финалда Роджер Федерер мен Рафаэль Надаль ойнаған еді. Екі матчта да испандық жеңіске жеткен.

Жалпы алғанда, соңғы бес кездесудің барлығында Карлос Алькарас Синнерден басым түскен.

Уимблдон финалындағы жаңа кездесу 13 шілде күні сағат 20:00–де өтеді. Тікелей трансляцияны Sport+ телеарнасынан және sportplustv.kz сайтынан көруге болады.