Рудосельский Арменияда командасына жеңіске жетуге көмектесті
Еревандық «Вест Армения» Армения Премьер-лигасының 14-турында өз алаңында «Алашкертті» 2:0 есебімен жеңді, деп хабарлайды Sport+.
«Вест Армения» командасының қазақстандық қорғаушысы Тимур Рудосельский негізгі құрамда ойнап, матчты толық өткізді. Айта кетерлігі, «Алашкерт» — оның бұрынғы клубы.
Қазіргі уақытта Рудосельскийдің командасы 13 ұпаймен Армения Премьер-лигасының турнирлік кестесінде тоғызыншы орынды иеленіп тұр.
