Ризабек Айтмұхан Азия чемпионатының финалына шықты

Бішкектегі Азия чемпионатында Ризабек Айтмұхан 97 келі салмақ дәрежесінде қатарынан үш белдесуде жеңіске жетіп, Азия чемпионатының финалына шықты, деп хабарлайды Sport Plus Qazaqstan 

Қазақ балуаны алғашқы белдесуде қырғыз Андрей Ароновты 6:0 есебімен жеңді. Ширек финалда өзбек Махсуд Вейсаловты мерзімінен бұрын ұтты.

Жартылай финалда үнді балуаны Вики Викимен жолы түйіскен Ризабек Айтмұхан белдесуді бірден шабуылдан бастап, екі минутқа жеткізбей таза жеңістің авторы атанды.

Ақтық сындағы қарсылас - қазіргі әлем чемпионы Ахмед Тажудинов (Бахрейн).