Рафаэль Уразбахтин Жоао Пауло туралы: Оның деңгейіне ешкім күмәнданбады

«Қайраттың» бас бапкері Рафаэль Уразбахтин Sport+ телеарнасына берген сұхбатында бразилиялық шабуылшы Жоао Пауло тарапына айтылған сынға жауап берді.

«Мұндай кезеңдер бар, егер біз алдыңғы екі жылды алсақ, Жо өте маңызды голдар соқты. Құлдырау арасында болады, бірақ мен бұл үлкен мәселе деп ойламаймын. Оның ойынын ескере отырып, жасаған сәттерді ескере отырып, әр ойында 2-3 мүмкіндік болады, ол сол қауіпті сәттерді ойлап табады, команда да оған сол жағынан көмектеседі. Менің ойымша, бұл оның ойын деңгейінің мәселесі емес, бұл психологияға байланысты болуы мүмкін. Оның деңгейіне ешкім күмәнданбады», - деді бапкер. 

«Қайрат» жақында Жоаомен келісімшартты ұзарту туралы ақпаратты жариялады.

Sportplustv.kz сайтында «Қайраттың» бас бапкері Рафаэль Уразбахтинмен студиялық бағдарламаның толық шығарылымын қарай аласыздар.