«Қызылжар» - «Ақтөбе» матчын қайдан тамашалаймыз?

OLIMPBET QFL Премьер-Лигасының 8 туры аясында «Қызылжар» өз алаңында «Ақтөбені» қабылдайды.

Қос клуб та апта ортасында Қазақстан Кубогының күрделі матчтарын өткізді. Бірақ екеуінің нәтижесі екі түрлі. Петропавловдықтар қосымша уақытта «Елімайға» ұтылса, ақтөбеліктер 120 минутта «Ордабасыдан» басым түсті.

«Елімайдан» жеңіліс Али Алиевтің командасы үшін осымен қатарынан үшінші сәтсіздік. Бұған дейін чемпионат аясында «Тұран» мен «Атырауға» жеңілді.

«Ақтөбе» чемпионаттың соңғы қос матчында ұпай жоғалтқанына қарамастан, көш басындағы топта және жеңіске жеткен жағдайда кестеде бірінші орынға оралады.

Матчтың тікелей трансляциясын Sport Plus Qazaqstan телеарнасынан және sportplustv.kz сайтынан көре аласыздар.

Ойын 17:00де басталады, матч алдындағы студия жұмысын 16:25те тамашалаңыздар.