ҚКФЛ қысқы кубогының кезекті финалисі анықталды

Түркияда ҚКФЛ қысқы Кубогының жартылай финалының екінші ойыны өтті, деп хабарлайды Sport Plus Qazaqstan.

Турнирдің финалына «Ақтөбені» 4:2 есебімен жеңген «Тобыл» командасы жолдама алды.

Ақтөбелік команда құрамында Ыдырыс Умаев пен Уче Агбо нәтижелі соққылармен көзге түссе, «Тобыл» сапында Ахмед Эль-Мессауди (дубль), Ислам Чесноков және Игорь Иванович гол соқты.

Кубокты «Ордабасы» мен «Тобыл» командалары сарапқа салады. 

Жарыстың финалдық ойынымен мен 3-ші орын үшін кездесу 21 ақпанда өтеді.