Қазақстан жастар құрамасы ЕУРО іріктеуін жеңіспен бастады
«Астана Аренада» өткен матчта Қазақстан U-21 құрамасы Андорраны 1:0 есебімен жеңді, деп хабарлайды Sport+.
Жеңіс голын 11-минутта «Қайрат» клубының жартылай қорғаушысы Олжас Байбек соқты. Есеп матч соңына дейін өзгерген жоқ — 1:0.
Қазақстан жастар құрамасы келесі кездесуін 8 қыркүйекте Англияға қарсы өткізеді. Бұл топта сондай-ақ Словакия, Ирландия және Молдова құрамалары бар. Топ жеңімпазы ЕУРО-2027 турниріне тікелей жолдама алады.
