Қазақстан әйелдер құрамасы күрестен UWW ұйымдастырумен халықаралық жиынға қатысуда

Үндістанда Біріккен күрес әлемі (UWW) ұйымдастырған әйелдер күресі бойынша халықаралық оқу-жаттығу жиыны басталды, деп хабарлайды Sport+ Olympic.kz сайтына сілтеме жасап.

Жаттығуға U20 және U23 командалары қатысуда.

ОЖЖ бағдарламасына тәжірибелі спортшылар мен бапкерлермен жаттығу, озық әдістер, стратегия және фитнес бойынша сабақтар, сондай-ақ жарақаттардың алдын алу, дұрыс тамақтану және қалыпқа келу туралы тақырыптық семинарлар кіреді.

Айта кетейік, жиын қатысушылары үшін Канаданың олимпиада чемпионы Эрика Уибемен шеберлік сабағы ұйымдастырылады.

Қазақстан атынан оқу-жаттығу жиынына Ұлдана Тілеухан, Медина Қуанышбек, Ақбота Закишханова, Махаббат Тайғұлынова, Іңкәр Ерғали және бапкер Дәулет Нұрғожа қатысуда.