«Қайрат» Финляндия құрамасының футболшысымен толықты

«Қайрат» футбол клубы 25 жастағы финляндиялық жартылай қорғаушы Яакко Оксаненмен келісімшартқа қол қойғанын жариялады. Келісім 2027 жылдың желтоқсанына дейін жарамды, деп хабарлайды Sport+ алматылық клубының баспасөз қызметіне сілтеме жасап.

Яакко Оксанен — Финляндияның ХИК клубының түлегі. Ол кәсіби мансабын осы командада бастап, 2018 жылы Англияның «Брентфорд» клубына ауысып, ұжымның екінші командасында өнер көрсетті. Кейін жартылай қорғаушы жалға беру негізінде «Уимблдон» мен шотландиялық «Мортон» клубтарының намысын қорғады.

2022 жылы Оксанен Финляндияға оралып, «КуПС» клубымен келісімшарт жасасты және «Қайратқа» ауысқанға дейін осы командада ойнады.

Ағымдағы маусымда Яакко Оксанен УЕФА Чемпиондар лигасының екінші іріктеу кезеңінде «Қайратқа» қарсы ойнаған болатын. Екі матчтың қорытындысы бойынша «сары-қаралар» 3:2 есебімен жеңіске жетті, ал финляндиялық жартылай қорғаушы алғашқы ойында гол соқты. Жалпы маусымда Оксанен 51 матч өткізіп, 4 гол соғып, 8 нәтижелі пас берген.

Сондай-ақ оның еншісінде Финляндия ұлттық құрамасы сапында бір матч және жастар құрамасы U-21 үшін 15 ойын бар.