«Қайрат» 2025 жылғы маусымға арналған стадионды анықтады

«Қайрат» 2025 жылғы маусымда өз ойындарын Алматының Орталық стадионында өткізуді жалғастырады, деп хабарлайды Sport+.

2025 жылы «сары-қаралар» өз алаңындағы матчтарын Алматыдағы Орталық стадионда өткізеді. Бұған дейін Орталық стадионға жөндеу жұмыстары жүргізілетін жағдайда, «Қайраттың» Чемпиондар Лигасындағы ойындары «Астана Аренада» өтуі мүмкін деген сыбыстар тараған болатын.

Клуб Орталық стадионды қайта жөндеу жұмыстарына дайындықты жалғастыратыны мәлімделді. 2025 жылы жобалық-сметалық құжаттама әзірленіп, 2026 жылы құрылыс жұмыстары басталады деп жоспарлануда.

Айта кетейік, 2024 жылғы маусымда «Қайрат» Премьер-лига чемпионы атанып, УЕФА Чемпиондар Лигасында өнер көрсету мүмкіндігіне ие болды.