Париж Олимпиадасында ту ұстайтын спортшы кандидаттар белгілі болды

Парижде өтетін 2024 жылғы Жазғы Олимпиада ойындарының ашылуында Қазақстанның ту ұстаушылары белгілі болды, деп хабарлайды Sport Plus Qazaqstan.

Бұл құрметке боксшы Асланбек Шымбергенов пен жеңіл атлет Ольга Сафронова ие болды.

Шымбергенов бокстан Қазақстан ерлер құрамасының капитаны, әлем чемпионы (2023 жыл) және Азия чемпионы (2022 жыл), түрлі халықаралық жарыстардың бірнеше дүркін жүлдегері.

Сафронова өз кезегінде Азия чемпионатында (2017) және Азиадада (2014) жеңіске жетті.

Сондай-ақ резервке балуан Нұрсұлтан Тұрсынов пен семсерші Әйгерім Сарыбай ұсынылған.