Осимхен Түркияда толық бейімделді. «Галатасарай» – «Эюпспор» матчын қайдан және қашан көруге болады

Қазіргі уақытта «Галатасарай» Суперлигада жеке-дара көш бастап тұр, екінші орындағы командадан бес ұпайға алда. Бурук шәкірттері тек бір кездесуде, «Касымпашаға» қарсы ойында тең ойнап, қалған матчтардың барлығында жеңіске жетті.

Икарди жарақат алғаннан кейін, клубтың басты көшбасшыларының біріне жазғы негізгі трансфер Виктор Осимхен айналды. Суперлигада ол 7 матчта 6 гол соғып, 2 нәтижелі пас берді.

Бұл матчта «Эюпспордың» аутсайдер мәртебесін кадрлық мәселелері де растайды. Арда Туран командасының негізгі ойыншыларының үшеуі – Кутуджу, Кабасакал және Ялчын – сары қағаздарға байланысты алаңға шыға алмайды.

«Галатасарай» – «Эюпспор» матчы 21:00-де басталады. Ойынды Sport + Qazaqstan телеарнасынан және Sportplustv.kz сайтынан тікелей эфирде көруге болады.