«Ордабасы» келесі маусымды басқа стадионда бастайды

Шымкенттік «Ордабасы» футбол клубы стадионды жаңғырту жұмыстарына байланысты уақытша өз алаңын ауыстырады, деп хабарлайды Sport+.

«Шымкенттегі стадионда газон алмастыру жұмыстары жүргізіледі. Газонды ауыстыруға және суару жүйесін жаңартуға дайындық қаңтар айында басталады. Біздің дереккөздің мәліметінше, 2025 жылғы маусымның алғашқы үйдегі ойындарын «Ордабасы» басқа стадионда өткізеді», — деп жазады Серый CARDINAL.

Осы уақытта команда жаңа маусымға жақында ғана тағайындалған бас бапкер Андрей Мартиннің басшылығымен дайындық жүргізуде.

Айта кетейік, 22 желтоқсанда «Ордабасы» ресми түрде оның тағайындалғанын жариялаған болатын.

50 жастағы маман бұған дейін Молдованың «Петрокуб» клубын басқарған. 2023/24 маусымында ол командасымен бірге Молдова чемпионаты мен Кубогын жеңіп алып, УЕФА Конференция лигасының жалпы кезеңіне шығарған болатын.