Олег Кисилев: Бүгінгі жеңісіміздің басты себепкері - қорғаныс

«Астана» баскетбол клубының бас жаттықтырушысы Олег Кисилев «Самарамен» өткен ойынды қорытындылады, деп хабарлайды Sport Plus Qazaqstan клубтың баспасөз-қызметіне сілтеме жасай отырып.

«Ойыншыларымды қорғанысқа қатысты жоспарды мінсіз орындағанымен құттықтаймын!  Бүгінгі жеңісіміздің басты себепкері - қорғаныс болды. «Самараға» өз алаңында 66 ұпай ғана еншілеуге мүмкіндік бердік - бұл керемет көрсеткіш. Сонымен қатар, соңғы минуттарда шабуылда әдемі ұйымдасқанымызды да атап өткім келеді. Алаңға шыққан әр ойыншы жеңіске өз үлесін қосты. Бүгін команда ретінде жұмылып, нәтижеге қол жеткіздік. Бұл - біз үшін аса маңызды жеңіс.

Иә, біз үздік алтылыққк еніп отырмыз, алайда біздің мақсатымыз - плей-ин. «Самара» үшін де осы нәтижеге жету маңызды еді және бұл ойыншыларға артылатын үлкен жауапкершілік. Бүгін оны жүзеге асыра алмаған шығар. Бұл - қалыпты жағдай. Ешкім оған кепілдік бере алмайды»