Нұрқожа Қайпанов: Менің салмағым Олимпиадада болмаса да, ең мықты салмақтардың бірі

Биыл әлем чемпионы атанып, пәтер кілтін иеленген еркін күрес балуаны Нұрқожа Қайпанов Sport+ тілшісіне 2024 жылды қорытындылап, келе жатқан жылға өз жоспарын да айтты:

«Бұл — менің ең алғашқы пәтерім. Әрине, ерекше қуанып тұрмын. Әлем чемпионы атану үшін көп еңбектендік, ел ағаларын осы жеңіспен қуанта алғаным, үмітін ақтағаным — мен үшін бақыт.

Еңбегіңімізді елеп, пәтер сыйлап жатқандарына алғыс білдіремін. 2025 жылдың қаңтарынан оқу-жаттығу жиындары басталады, ең алғашқы ірі дода — Азия чемпионаты. Осы біріншілікке дайындаламыз.

Менің салмағым Олимпиада бағдарламасында жоқ, бірақ 74 келі — ең мықты салмақ дәрежелерінің бірі, оған қоса жақын арада салмақтар да өзгеруі мүмкін. Салмағыма қатысты мәселені бапкеріммен ақылдасып шешеміз, осы бағытта бірге жұмыс істейміз»