Нұрбол Жұмасқалиев: Біз болашақты болжамай, нақты бір ойынға дайындаламыз

«Тобылдың» бас бапкері Нұрбол Жұмасқалиев Премьер-лига 16-го турының аясында өткен «Шахтермен» (1:0) кездесу жайында пікірін білдірді, деп хабарлайды Sport Plus Qazaqstan.

— Бірінші кезекте жанкүйерлерді құттықтағым келеді. Өте қиын ойын болды, бірақ ең бастысы өзімізге керек нәтижеге қол жеткіздік. Біз болашақты болжамай, нақты ойынға дайындаламыз, матчтан матчқа қадам басамыз.

— Бүгін Зуев бастапқы құрамда болмай, алаңға кештеу шықты. Оның себебі неде?

— Өкінішке қарай, алаңда 11 ойыншы болады. Қазіргі футболда бәрі басқаша, аяқдопшы ойынның басында шыға ма, кейін басқа біреуді ауыстыра ма ойынды күшейтуі керек. Бүгін Саша соны жүзеге асырды, команданың жеңісіне себепкер болды. Ол өз ісінің маманы.