Нұрасыл Тоқтаров Түркиядағы жаттығу туралы пікірін білдірді

«Атырау» қақпашысы Нұрасыл Тоқтаров Түркияда өтіп жатқан оқу-жаттығу жиыны жайында айтып берді, деп хабарлайды Sport Plus Qazaqstan.

 «Бірінші кезекте сенім білдіргені үшін бапкерлерге алғыс айтқым келеді. Польша чемпионатында көш бастаған командалардың бірімен кездестік. «Висла» – мықты қарсылас, осы жиындағы ең қиын кездесулердің бірі осы болды. Біз үлкен жүктемемен ойнадық. Әлбетте, ұтылған кімге болсын ұнамайды, бірақ қазіргі уақытта біз командадағы өзара байланысқа жұмыс істеудеміз», – деді Тоқтаров клубтың баспасөз-қызметіне сұхбатта.

27 қаңтар күні «Атырау» краковтық «Вислаға» 0:2 есебімен ұтылды. Команданың алғашқы оқу-жаттығу жиыны екінші ақпан күні аяқталады. Бұл күні «Атырау» португалиялық «Бреромен» және «Зениттің» жастар құрамасымен кездеседі.

Нұрасыл Тоқтаров «Атыраудың» 23-жасар қақпашысы, осы клубтың шәкірті. Кәсіби алаңда 2018 жылдан бері ойнайды.