Марин Томасов: Менің голым командаға нәтиже әкелмеді

«Астана» капитаны Марин Томасов Конференция лигасының топтық кезеңінің бесінші турында «Челсиге» қарсы өткен матчтың (1:3) қорытындысы туралы пікір білдірді, деп хабарлайды Sport+.

«Бүгін бізге оңай болған жоқ, бірақ мен бір гол соға алғаныма қуаныштымын. Дегенмен, бұл гол бізге жеңіс үшін жеткіліксіз болды. Жанкүйерлерден кешірім сұраймыз. Бұл маусымның ауыр болғанын мойындауымыз керек. Қолдауларыңыз үшін алғысымызды білдіреміз.

Командаға осы маусым үшін алғыс айтамын. Әрине, бізде тағы бір ойын бар, бірақ осы жылы істеген еңбегімізді ескере отырып, мен қазірдің өзінде командаға алғыс айта аламын. Ал осы ойын туралы айтар болсам, бұл мүлдем басқа деңгей. Енді басымызды түсірмей, Кипрге барып, соңына дейін күресіп, үш ұпай алу үшін бар күшімізді салуымыз керек.

Менің голыма келер болсақ, әр голды соғу жағымды, ал осындай командаға қарсы соғу тіпті ерекше. Бірақ бұл гол командаға нәтиже әкелмеді — бұл мен үшін тек бір гол ғана. Сондықтан әрі қарай жалғастырамыз», — деді Томасов.