«Манчестер Сити» Хусановтың ауысқанын ресми жариялады
«Манчестер Сити» 20 жастағы қорғаушы Абдукодир Хусановтың трансферін ресми түрде жариялады, деп хабарлайды Sport+.
Қорғаушының «Манчестер Ситимен» келісімшарты 2029 жылдың маусым айына дейін есептелген.
Хусанов 2023 жылдан бері «Ланс» клубында өнер көрсетіп келеді. Оның осы клубпен келісімшарты 2027 жылға дейін жарамды болатын. Ағымдағы маусымда Хусанов «Ланс» сапында барлық турнирлерде 16 матч өткізіп, бір нәтижелі пас берген.
