«Майнцтың» реванш алуға мүмкіндігі бола ма? «Майнц» – «Штутгарт» матчының тікелей эфирі

Германия кубогының 1/16 финал матчында «Майнц» өз алаңында «Штутгартты» қабылдайды, деп хабарлайды Sport+.

«Майнц» маусымның ауыр бастамасынан кейін «Штутгартқа» қарсы кубоктық текетіреске шығады — сегіз турда небәрі бір жеңіс, тоғыз соғылған голға қарсы 16 жіберілген доп. Бо Хенриксеннің командасы жоғары прессингпен және орталық арқылы белсенді өтулермен ойнауға тырысқанымен, жүзеге асыру деңгейінің төмендігі мен қорғаныстағы тұрақсыздық нәтижеге әсер етуде.

Ал «Штутгарт» керісінше тамаша формада: сегіз матчтың алтауында жеңіс және жуырдағы осы «Майнцқа» қарсы кездесудегі (2:1) сенімді ойын олардың фаворит екенін дәлелдейді. Себастиан Хенесс шәкірттері теңгерімді футбол көрсетіп, қабталдарды тиімді пайдаланады және қақпа маңында сенімділікті сақтайды.

Бұл ойынды тікелей эфирде Sport+ Qazaqstan телеарнасынан, сондай-ақ sportplustv.kz сайтынан тамашалауға болады. Матчтың басталуы сағат 22:00–де.