«Кристал Пэлас» Англия Суперкубогын жеңіп алды (видео)

Футболдан Англия Суперкубогы үшін матч аяқталды. «Кристал Пэлас» пенальти сериясында «Ливерпуль» командасын жеңді, деп хабарлайды Sport+.

Негізгі уақыт тең нәтижемен аяқталды — 2:2. Төртінші минутта «Ливерпуль» жаңа ойыншысы Уго Экитике есеп ашты. 17-минутта Жан-Филипп Матета пенальтиден мүлт кетпей, есепті теңестірді.

Кейін «Ливерпульдің» тағы бір жаңа ойыншысы Жереми Фримпонг 21-минутта командасын қайта алға шығарды. Алайда Исмаила Сарр 77-минутта жауап гол соғып, матчты пенальти сериясына жеткізді. Онда «Кристал Пэлас» 3:2 есебімен жеңіске жетті.