Коронавирусқа байланысты қазақстандық велошабандоз «Тур де Франстан» шығарылды

Astana Qazaqstan Team велокомандасының өкілі Микаэль Меркев денсаулығына байланысты «Тур де Франстан» кетеді, деп хабарлайды Sport Plus Qazaqstan.

Ол екі рет COVID-19 сынағын тапсырып, оң нәтиже алды.

Шабандоз өзін жақсы сезінетініне және коронавирустың айтарлықтай белгілері жоқ екеніне қарамастан, Astana Qazaqstan Team командасының медициналық қызметкерлері, ең алдымен, оның денсаулығын болашақта вирус тудыруы мүмкін ұзақ мерзімді салдардан қорғау үшін «Тур де Франс» командасынан алып тастау туралы шешім қабылдады, – делінген ресми хабарламада.