Кирилл Герасименко Америкада қарсылас шақ келтірмеді

Американың Корпус-Кристиінде үстел теннисінен WTT Feeder Corpus Christi халықаралық турнирі аяқталды, деп хабарлайды Olympic.kz.

Ұлттық құрама лидері Кирилл Герасименко жарыс барысында келесі ойыншылардан басым түсті: Кай Чжана (АҚШ) 3:1, Сянцзин Чжана (АҚШ) 3:0, Хармит Десай (Үндістан) 3:1, Штеффен Менгель (Германия) 3:1, ал ақтық сында Жоао Монтейруды (Португалия) – 3:2 ұтты.

«Құттықтауларыңызға рахмет! Жарысқа бірнеше күн қалғанда Америкаға ұшып келдім, акклиматизациядан өттім. Бірінші орын алып, рейтингтік ұпай жинау мақсатын қойған едім. Басты меже Париж-2024 Олимпиадасына іріктеуде маңызы зор WTT Champions турниріне қатысу», – деді Герасименко.