Ян Вороговский: Екінші және үшінші голды соғуымыз мүмкін еді

«Астана» қорғаушысы Ян Вороговский Конференция лигасының топтық кезеңінің бесінші турында «Челсиге» қарсы өткен матч туралы пікір білдірді (1:3), деп хабарлайды Sport+.

— Матчқа дайындық жасанды алаңда өтті, ал ойын табиғи алаңда болды. Бұл ойынға қаншалықты әсер етті?

— Бізге бәрібір қиын болды. Екі апта бойы ойын өткізбегеніміз және тіпті жолдастық матчқа қарсылас табылмағаны да әсер етті. Бірақ біз өте қарқынды дайындалдық. Біздің бапкерлік штаб бізді өте жақсы дайындады деп ойлаймын.

— Егер ойын тәжірибесі көбірек болса, нәтиже өзгеше болар ма еді?

— Бірінші таймда біз сәл дұрыс ойнамаған сияқтымыз. Меніңше, бапкерлер штабының тапсырмаларын тактикалық тұрғыдан дұрыс орындау қиын болды. Екінші таймда алаңға шығып, жақсырақ ойнадық. Сол кезде екінші голды соғуымыз мүмкін еді, ойын мүлдем басқа бағытта өрбитін еді. Тіпті үшінші голды соғуға да мүмкіндік болды деп ойлаймын. Екінші таймда біз әлдеқайда жақсы көріндік.

— Жалпы, командада толқу сезілді ме? Бұл қозғалыс пен мотивацияға әсер етті ме?

— Жоқ деп ойлаймын. Біздегі барлық жігіттер — жоғары деңгейде ойнап жүрген білікті ойыншылар. Сондықтан бұл бізге ешқандай әсер етпеді, және барлығымыз 100 пайыз күшімізді салдық.