Еркін күрес балуандары Азия чемпионатын бастады
Бүгін Бішкекте күрес түрлерінен Азия чемпионаты басталады. Жарыстың алғашқы күні еркін күрестен бес салмақ дәрежесінде жүлделер сарапқа салынады, деп хабарлайды Sport Plus Qazaqstan
57 келіде Мейрамбек Қартбай жарысты 1/4 финалдан бастайды. Оның қарсыласы Өзбекстан-Түркіменстан кездесуінде анықталады.
65 келіде Санжар Мұхтарды палестиналық спортшымен белдесу күтіп тұр. Мейіржан Әшіров (70 кг) Түркіменстан өкілімен күш байқасады. Жеңіске жеткен жағдайда 1/4 финалда Тәжікстан балуанымен кездеседі.
Азамат Өміржанов 79 келіде моңғол спортшысымен белдеседі. Ал 97 келіде Ризабек Айтмұханды кілем қожайынымен кездесу күтіп тұр.
Аталған салмақ дәрежелерінде Азия чемпиондары бүгін кешке анықталады.
