Елордада бәйгеден республикалық турнир өтеді

Астана күніне орай қалалық ұлттық және олимпиадалық ат спорты түрлері федерациясының ұйымдастыруымен бәйгеден республикалық «Астана кубогі» турнир өтеді, деп хабарлайды Sport Plus Qazaqstan.

Еліміздің барлық өңірінен үздік шабандоздар «Астана-Талапкер» тасжолындағы елордалық ипподромда бақ сынайтын болады.

Жарыс бағдарламасында 7 шақырымдық «Құнан» және «Жорға», 15 шақырымдық «Топ» және 22 шақырымдық «Аламан» бәйге бар. Турнирдің жалпы жүлде қоры – 30 миллион теңге.

Жарыс 8 шілдеде сағат 12.00-де басталады. Кіру тегін.