«Елімай» көшбасшысы ҚПЛ-ды Вьетнам чемпионатына ауыстырды

Вьетнамның «Намдинь» клубы өз құрамын толықтырған жаңа ойыншысын — бразилиялық жартылай қорғаушы Рожерио Шинаны таныстырды, деп хабарлайды Sport+.

Қазіргі уақытта «Намдинь» Вьетнам чемпионатының турнирлік кестесінде тоғыз ойыннан кейін 19 ұпаймен екінші орында тұр. Ел біріншілігінің көшбасшысы — 20 ұпай жинаған «Тханьхоа».

Еске сала кетейік, Рожерио Шина бұған дейін Қазақстан чемпионатында ойнаған. 2023 жылы ол «Ақтөбе» клубының намысын қорғады, ал 2024 жылы «Елімай» сапында өнер көрсетті. КПЛ-2024 маусымында бразилиялық футболшы 21 матч өткізіп, төрт гол соғып және екі нәтижелі пас берген.