Елдос Сметов Лондонға ұшып кетті

Париж 2024 Олимпиадасының жеңімпазы дзюдошы Елдос Сметов Ұлыбританияға ұшып кетті, деп хабарлайды Sport+

Спортшының әлеуметтік желідегі парақшасында оның достары мен туысқандары әуежайда шығарып салуда. Сметовтың жұбайымен бірге Лондонға жол тартқаны белгілі болды. 

2024 жылы Елдос Сметов жапон дзюдошысы Наохисо Такатомен достығы жайында, ағылшын тілін жетік білмеуінен онымен толыққанды сөйлесе алмай жүргенін айтқан еді. 

 «Болашақта Такатомен еркін сөйлесеміз деп ойлаймын. Қазір ағылшын тілін меңгеріп жүрмін. 2025 жылдың басында Лондонға төрт айға кетемін. Ол жақта ағылшын тілін жетілдіремін», — деген еді Сметов.

Белгілі дзюдошы Халықаралық дзюдо федерациясына (IJF) ағылшын тілінде сұхбат беруді жоспарлап жүр.