Дінмұхаммед Қашкен – «Жетісу» командасының футболшысы

Футбол клубы «Жетісу» 26 жастағы қорғаушы Дінмұхаммед Қашкенмен келісімшартқа қол қойғанын мәлімдеді, деп хабарлайды Sport+.

Қашкен бұл командаға «Ұлытау» клубынан ауысты.

Дінмұхаммед талдықорғандық жанкүйерлерге жақсы таныс — 2018 жылы ол «Жетісу» сапында өнер көрсеткен. Ол Қазақстанның бірқатар клубтарында ойнаған мол тәжірибеге ие: «Астана», «Ақтөбе», «Қайсар», «Шахтер», «Хан-Тәңірі», сондай-ақ Литваның «Жальгирис» командасында доп тепкен. Жас кезінде ол Мадридтің «Атлетико» (U-15) және Испанияның «Касабланка» клубтарының намысын қорғаған.

Халықаралық аренада Қашкен Қазақстан жастар құрамасында (U-21) 11 матч өткізіп, ұлттық құраманың сапында да дебют жасаған.