Босния және Герцеговина құрамасының футболшысы «Астана» клубымен келісімшартқа қол қойды

Футболдан елордалық «Астана» клубы Босния және Герцеговина құрамасының жартылай қорғаушысы Иван Башичпен келісімшарт жасасқанын ресми түрде мәлімдеді, деп хабарлайды Sport+.

23 жастағы футболшы Боснияның «Зриньски» клубының түлегі болып табылады. Соңғы маусымдарды Иван Ресей чемпионатындағы «Оренбург» клубында өткізді. Онда ол әмбебап және сенімді жартылай қорғаушы ретінде көзге түсті.

Клубтың мәліметінше, Иван Башич жаңа командада 8-нөмірмен өнер көрсетеді.

Осылайша, «Астана» маусымның екінші бөлігінде құрамын халықаралық тәжірибесі бар ойыншымен күшейтіп отыр.