Бақтиер Зайнутдинов «Бешікташтың» екінші үздік ойыншысы атанды

Статистикалық Flashscore.com сайты Түркия чемпионатының 18-ші турындағы «Бешікташ» пен «Ризеспор» (1:1) матчында қазақстандық жартылай қорғаушы Бақтиер Зайнутдиновтың ойынын жоғары бағалады, деп хабарлайды Sport+.

Зайнутдинов «Бешікташ» сапында осы маусымда үшінші рет негізгі құрамда ойнап, өзінің өнері үшін 7,4 балл алды — бұл командадағы ең үздік екінші көрсеткіш, гол авторы Эрнест Мучиден кейін.

Ағымдағы маусымда Бақтиер Зайнутдинов «Бешікташ» үшін сегіз матч өткізіп, бір нәтижелі пас берді. Айта кетейік, стамбұлдық клуб соңғы төрт матчтың үшеуінде жеңіліс тапқан.