Балауса Мұздыманның жекпе-жек алдында қарсылас табуда қиындықтар туындады
Қазақстандық боксшы Балауса Мұздыман 20 желтоқсанға жоспарланған жекпе-жегіне қарсылас таба алмай отыр, деп хабарлайды Sport+.
«Балаусаның 20 желтоқсанға жоспарланған жекпе-жегі үшін қарсылас іздеп жатырмыз. Қарсыластарымыз жекпе-жекке шығудан бас тартады немесе деңгейі сәйкес келмейді. Мұндай мәселеге тап боламыз деп ойламадық», — деп жазды Балаусаның промоутер-менеджері өз әлеуметтік желісінде.
Еске салсақ, 1 маусымда Балауса Мұздыман Алматыда өткен HAS Pro Boxing бокс кешінде үндістандық қарсыласын жеңіп, кәсіпқой рингтегі төртінші жеңісіне қол жеткізген болатын.
